En Kentukio, en 1925, Ellen Gaddy, deksesjara, laboras en la familia farmo. Ŝia patro, severa viro, metas ĉiujn siajn esperojn en ŝian pli junan fratinon, kiu studas pianon. Ellen enamiĝas al juna kampolaboristo, kiu profitas de ŝi kaj poste malaperas. Graveda, ŝi kaŝas sian sekreton kaj forlasas la farmon.
Oni sekvas ŝin dum ĉirkaŭ dek du jaroj, tra la granda krizo, laŭ la ritmo de la sezonoj, de la bestoj kaj de la popolaj kantoj: delikata kaj senŝminka portreto de la vivo en la kamparo.
Skribita en simpla kaj rekta stilo, ĝi legiĝas facile en la lingvo, kiun vi lernas.
